අයදුම්පත්‍රය සම්පුර්ණ කිරීමේදී පිළිපැදිය යුතු උපදෙස්.
මෙහි පහත සඳහන් අවශ්‍යතාවයන් සම්පුර්ණ කර නිවැරදිව ඉදිරිපත් කරන අනු බෙදුම්පතක් ප්‍රමාදයකින් තොරව අනුමත කිරීමට හැකිවනු
ඇත.
- අයදුම්කරුගේ නම,ලිපිනය,වරිපනම් අංකය නිවැරදිව සඳහන් කල යුතුය.
- වරිපනම් ලේඛනය අනුව දේපලේ අයිතිකරු නොවේ නම් ඉඩම අනුබෙදුම් කිරීම සඳහා ඔහුගේ හෝ අයගේ අනුමැතිය දැක්වෙන ප්‍රකාශයක්
ඇමිණිය යුතුය.
- 1:1000 පරිමාණයට නොඅඩු පරිමාණයකට අදින ලද ඉඩමේ මානක සැලැස්මක පහත දැක්වෙන දෑ සමඟ වෙනත් අදාළ විස්තරයක් පෙන්නුම්
කරමින් මුල් පිටපත් සමඟ පිටපත් තුනකින් යුතුව ඉදිරිපත් කළ යුතුය.
- ඉඩමේ පිහිටීම සහ ගොඩනැගිලි කිසිවක් තිබේ නම් ඒවා සැලැස්මේ දැක්විය යුතුය.
- සැලැස්මේ පරිමාණය උතුර,දකුණ සහ යාබද කොටස්වල හෝ ගොඩනැගිලිවල වරිපනම් අංක
- භුමි භාගයට ප්‍රවේශ වන මාර්ගය.
- එවකට පවත්නා සියළු කණු,ජලමාර්ග,ස්වභාවික සම්පත් සහ යෝජිත කාණු අඩිය පෙන්නුම් කළ යුතුය.
- භූමි භාගයේ සමෝච්ච රේඛා හෝ ස්ථානීය මට්ටම්.
- විදුලිබල රැහැන් ඇතුලු සේවා රැහැන්.
- යෝජිත පාරේ දික්කඩක්
- ඉඩම හෙක්ටයාර එකකට වඩා වැඩිවන අවස්ථාවකදී වීථි අතහැර ඉතිරි බිම් කොටසින් ප්‍රජා සහ පොදු කටයුතු සඳහා 10% ක බිම් ප්‍රමාණයක් වෙන්කර සලකුණු කළ යුතුය.
- අනුබෙදුමට යෝජිත ඉඩමේ මුල් සැලැස්මේ පිටපතක් ඉදිරිපත් කල යුතුය.
- එක් එක් බිම් කොටස්වල යෝජිත භාවිතය ඒවායේ විශාලත්වය සහ මායිම් වෙන් වෙන්ව දැක්විය යුතුය.
- යෝජිත සියලු වීථිවල දිසාව සහ පළලද,එළිමහන් ප්‍රදේශ සහ වෙනත් පහසුකම් සඳහා පෙන්නුම් කරන ලද ඉඩ ප්‍රමාණ සහ සෑම භූමි භාගයක්ම භාවිතා කරනු ලබන්නේ කවර කාරණයකටද යන්න පෙන්නුම් කරමින් 1:1000 පරිමාණයට අඳින ලද සවිස්තරාත්මක බෙදුම් සැලැස්මක් විය යුතුය.
- ඉඩම හෙක්ටයාර එකකට වඩා වැඩිවන අවස්ථාවකදී නල ජලය තිබේනම් ජාල සම්පන්දන මණ්ඩලයෙන්ද, නැතිනම් භූගත ජලය පිළිබඳව ජාල සම්පත් මණ්ඩලයෙන්ද, විදුලිබල පිළිබඳව විදුලිබල මණ්ඩලයෙන්ද, ලබාගත් සැලසුම් නිරාකරණය ඉදිරිපත් කළ යුතුය.
- ඉඩම රූට් එකකට වඩා වැඩිවන අවස්ථාවකදී වරලත් නගර නිර්මාණ ශිල්පියකු විසින් සැලැස්ම සහතික කල යුතුය.
- අනුබෙදුමට යෝජිත ඉඩම පරික්ෂ කිරීම ස්ථාන සොයා ගැනීමට පහසුවන පරිදි යෝජිත ඉඩමට ප්‍රවේශය සක්වන දළ සැලැස්මක් ඉදිරිපත් කළ යුතුය.
- අවසර පත්‍රය ප්‍රධානය ක්ලැරන තෙක් ඉඩමේ අනුබෙදුම් භෞතිකව සිදු නොකළ යුතුය.
- අවසර පත්‍රය ලබා ගැනීමෙන් පසුව සැලැස්මකට අනුකූලව ඉඩම භෞතික වශයෙන් සංවර්ධනය කර අනුකූලතා සහතිකය සඳහා ඉල්ලුම් කල යුතුය.
- අනුකූලතා සහතිකය ලබාගන්නා තෙක් ගොඩනැගිලි සංවර්ධනය කටයුතු සඳහා අනුමැතිය සලකා බලනු නොලැබේ.
- වැඩිමනක් විස්තර සඳහා ශ්‍රී ලංකා ප්‍රජාතාන්ත්‍රික සමාජවාදී ජනරජයේ අංක:392/9 හා 1986 මාර්තු 10 දරන ඇති විශේෂ ගැසට් පත්‍ර බලන්න.
